LETRAS GALEGAS 2024

Ola!

Achégase o 17 de Maio, Día das Letras Galegas, e coma sempre imos celebralo por todo o alto.

Neste 2024 a homenaxeada é Luisa Villalta, grande defensora da nosa cultura e da nosa lingua.

Se queredes saber un pouquiño sobre a súa vida, podedes ver o vídeo que aparece a continuación:

Ademais, nas seguintes ligazóns atoparedes unha chea de xogos interactivos para pór a proba os vosos coñecementos sobre a autora.

Primavera das letras

Seminario Galán

Ah! E estade atentos ao blog porque haberá sorpresas con moito ritmo 🎵🎵🎵 

E ata aquí podemos ler!

Apertas de bolboreta poeta! 🦋

X CERTAME DE RELATO CURTO

O alumnado de 6º curso participou este ano no X Certame de Relato Curto, esperamos que teñan moita sorte contando as súas vivencias 🙊 

Apertas de bolboreta! 🦋

PINCHA NO GROVE

Ola!

Pinchanogrove puxo en marcha un concurso para que as nenas e os nenos recrearan a Pinchiño, a mascota do certame de degustación de pinchos que organiza o Concello de O Grove.

Para elaborar a mascota, a cativada tivo que empregar material de refugallo e pór a creatividade e o enxeño en marcha.

Aquí vos deixamos os Pinchiños tan feitiños produto desta actividade tan chula.

Grazas a todas as familias por participar e colaborar 💝

Apertas de bolboreta 🦋

ESCAPE ROOM POLA IGUALDADE - CONCELLO DO GROVE

Ola!

O alumnado de 6º curso participou nun Escape Room organizado polo Concello do Grove, no que tiveron que resolver distintos enigmas relacionados coa igualdade e sobre as distintas manifestacións da violencia machista.

Analizaron prexuízos, estereotipos e mitos asociados á igualdade, así como a evolución neste eido nos últimos anos. 

Sen dúbida, unha actividade de moito proveito!

Apertas de bolboreta feminista! 🦋

SOMOS ESCULTORES!

Ola rapazada!

Para festexar o Día das Artes Galegas convertímonos en perfectos escultores durante unhas horas.

Coma ben sabedes, este ano o artista homenaxeado é Francisco Asorey, o escultor cambadés. Así que puxémos mans á obra e velaí tedes o resultado.

Canto artista temos no cole!

Todo apunta a que aquí temos futuro 😉

Grazas pola vosa colaboración.

Apertas de bolboreta 🦋

SAAABOR!

O pasado mes, en colaboración co Concello do Gorve, o alumnado de 3º e 6º acudiu ao auditorio para gozar da obra "Saaabor", un espectáculo cómico que mestura música, maxia, humor, ritmo e colaboración co público (como podedes ver a Daniel do 3º curso, subido ao escenario, nunha das fotos). 

A obra trata sobre un sabroso menú e será retransmitido pola TVG nos vindeiros meses.

Estade atentos para non perder este espectáculo televisivo. Non tódolos días saímos na televisión!

Apertas de bolboreta teatreira! 🦋

DÍA DA POESÍA

Amiguiñas e amiguiños

do cole de Conmeniño,

bótadelle unha ollada ás creacións

que a cativada fixo con tanta ilusión.

Cantos poemas aprenderon

dos grandes escritores galegos.

Que versos tan feitiños

recitaron os nosos miniños!

Se os queredes escoitar

o QR teredes que activar,

como fixo de Bizocas o alumnado

para poder gozar deste agasallo.

Grazas a todas e a todos de corazón

por poñer tanta ilusión.

O 21 de marzo

ou calquera outro día

que non falte a poesía 🤩

Apertas de bolboreta

para todas e todos os poetas! 🦋💛

INTERCAMBIANDO VERSOS E POEMAS

 Ola!

Deixamos por aquí a ligazón do blog do CEIP de As Bizocas para que poidades ver e gozar cos poemas que elaborou o alumnado do Club de Lectura para o Día da Poesía.

Preme aquí para ver os video-poemas

Grazas, compañeiras e compañeiros. E parabéns polo voso traballo!

Apertas de bolboreta dos vosos compas do Conmeniño 🦋

BICOS DE FLORES DA CATIVADA DE 1º

Coa finalidade de celebrar o Día da Poesía, o alumnado de 1º de Primaria recitou e ilustrou o poema ``Bicos de Flores´´ de Xosé Luna Sanmartín.

Esperamos que vos guste!

DÍA DAS ARTES GALEGAS

O vindeiro 1 de abril é o Día das Artes Galegas, unha data para destacar e favorecer aos artistas galegos.

Do mesmo xeito que no Día das Letras Galegas, cada ano homenaxéase a unha persoa destacada no eido das artes.

Sabedes a quen se lle adica este ano? Ao escultor cambadés Francisco Asorey.

Se queredes coñecer un pouquiño sobre este artista veciño, podedes descargar as actividades premendo na seguinte presentación.

E agora que xa sabedes un pouquiño máis sobre a vida e obra de Francisco Asorey, animádevos a pór a proba os vosos coñecementos con este xogo interactivo tan chulo!

Agardamos que gozárades con estas actividades!
Apertas de bolboreta!