Hai quen se animou a facer na casa o Caldiño de Gloria e nos compartiu o momento.
De seguro que estaba ben rico e con este tempo frío veu moi ben para quentar o corpiño.
Grazas polas vosas achegas! Que ilusión nos fixeron! 💖💖💖
O vindeiro venres 23 de febreiro é o Día de Rosalía de Castro, data do nacemento da nosa querida autora.
E para celebrar este día, desta volta traemos unha proposta para facer en familia.
A quen lle apetece degustar un bo caldiño?
Ides tentar facer un caldiño tal como se describe no poema de Rosalía "Miña casiña, meu lar", do seu libro Follas Novas.
Aquí vos deixamos o poema e a historia do mesmo. Premede na imaxe para ampliala.
Hoxe traemos unha nova proposta con moito ritmo!
O primeiro que tedes que facer é escoitar a seguinte canción de Sonárbore, prestando atención a todas as cousas que as nenas e os nenos do vídeo levan no corazón.
Coñecíades todas estas palabras?
O seguinte que tedes que facer, é escribir unha destas palabras nunha cartolina negra e facer unha ilustración (debuxo) do que significa.
Se queredes, podedes engadir outras palabras que vos gusten ou que se utilicen no Grove, que hai moitas! Preguntade na casa, xa veredes cantas ideas vos dan!
Entre todos podemos facer o noso propio dicionario visual e deixalo na biblioteca para seguir aprendendo novas palabras en galego e gozar das ilustracións tan fermosas que seguro facedes cada un de vós.
Apertas de bolboreta 🦋
O día 21 é o Día Irternacional da Lingua Materna, aquela que nos aprenden a falar dende nenos e coa que nos relacionamos entre nós.
Sabiades que no mundo calcúlase que se falan arredor de 7.100 linguas diferentes?
Escoitade esta canción tan chula de Magín Blanco a ver cantas linguas sodes quen de recoñecer.
Pero cal será a nosa lingua materna?
Ademais do castelán, temos a sorte de aprender galego dende moi pequenos: na casa, na escola, coas compañeiras e compañeiros... Máis cada vez falamos menos galego... por iso depende de nós que unha lingua tan fermosa como a nosa non se perda.
Existen moitos motivos polos que falar galego. Atentos ao que nos conta Uxía Lambona nesta canción.
E vós, por que falades galego?
Podedes deixar a vosa resposta nos comentarios. Agardamos impacientes!
Apertas de bolboreta 🦋
En Galicia sempre é bo momento para encher o peteiro e con estes doces de Entroido tan gorentosos... a ver quen se resiste!
E na vosa casa que tedes por costume comer de sobremesa?
Agardamos os vosos comentarios!
Apertas de bolboreta con fartura 🦋
Canto sabes do Entroido en Galicia?
Investiga e ponte a proba!
Apertas de bolboreta 🦋
O 2 de Febreiro celébrase o Día da Candelaria, coincidindo coa metade do inverno. Neste preciso momento comezan a medrar os días e a natureza prepárase para o estourido de vida que está por chegar.
E como di o refrán "A partir da candeloria, ningunha ave voa soa! Os paxariños andan revolucionados co amor, xa que esta data coincide co retorno das aves migratorias e os cortexos que nos avisan deste renacer primaveral.
Así que se vedes algunha parella de paxariños xuntando con agarimo os peteiros, xa sabedes por que é!
Dende logo que nós non iamos ser menos e unímonos á celebración do amor, agasallando ás compañeiras e aos compañeiros uns fermosos corazóns que contiñan unha chea de palabras fermosas relacionadas coa amizade, a empatía, a colaboración, a axuda mútua... co amor que sentimos por todos os que nos arrodean.
Unha actividade que deixou moita ledicia nos nosos corazóns.
O alumnado de 6º preparou a coreografía do baile de Entroido, que como sabedes está relacionado co proxecto do cole, Conmeniño Olímpico! Aquí volo deixo, para que poidades ensaiar moito!
Apertas de Bolboreta 🦋
