DESPEDIMOS O ANO

Ola!

O día 22 de decembro, último día de cole do ano, celebramos a nosa particular festa de Fin de ano. O alumnado de 6º de Educación Primaria, axudados pola súa titora Cristina, foi o encargado de presentar e dirixir as diversas actuacións programadas.

En primeiro lugar, algunhas alumnas de 5º de primaria, representaron o conto do "Apalpador e o arco da vella", de Xoa G.

A continuación, as alumnas e os alumnos de 6º de primaria amenizaron a xornada con diversas actuacións e deron as 12 badaladas. Con cada badalada, cada un de nós pediu os seus mellores desexos para este ano que entra.

Mirade que ben o pasamos todas e todos!

Agardamos que este 2023 sexa un ano marabilloso para todas e todos vós, no que non falte a saúde, abonden os bos momentos na mellor das compañías e se encha de novas metas por cumprir.

Feliz Aninovo!

Apertas de bolboreta! 💫💫💫

DESEXOS PARA UN ANO QUE COMEZA

Ola!

Estamos a piques de comezar o 2023, un novo ano no que partillar soños e aprendizaxes coas persoas que máis queremos.

Dende o cole, novamente decidimos escribir unha postal para transmitirlle os nosos mellores desexos a unha compañeira ou compañeiro de ciclo, para posteriormente enviala por correo postal.

O máis emocionante é non saber quen che envía a postal ata o día no que a recibes. Por eso facemos un sorteo alto segredo! 

Rematadas as postais, viu recollelas a carteira de Correos. Que nervios!

Ademais, coa colaboración das familias, cada nena e neno escribiu nun CD de refugallo os seus desexos máis solidarios para o ano que entra. A única condición é que tiñan que desexar algo valioso, realmente importante e necesarios. E xa sabedes que o verdadeiramente valioso non se pode mercar con cartos, non si?

Tan pronto recibimos as aportacións de cada familia, penduramos os CDs nas pólas das árbores do patio.

Que desexos tan fermosos! Que importante todo o que escribistes! Que empatía amosastes con todas as persoas que nos arrodean! ❤❤❤

Orgullo de familias! Grazas pola vosa colaboración e por transmitirlle valores tan importantes ás vosas fillas e fillos.

Apertas de bolboreta.

O APALPADOR E O ARCO DA VELLA

 Ola!

Hoxe tivemos unha actividade moi especial. Dúas nenas de 5º de primaria representaron para a cativada do cole o conto do "Apalpador e o arco da vella", de Xoan G., utilizando un teatro de monicreques.

Que atención puxeron todas e todos!

Moitísimas grazas, mozas! 👏👏👏

Despedímonos cunha canción sobre este lexendario personaxe da nosa tradión, da man do noso querido Paco Nogueiras.

Apertas de bolboreta!

MES DA CIENCIA EN GALEGO

Queridas e queridos apaixoados da Ciencia,

Que ben o pasamos este mes e canto aprendemos!

Para enchouparnos ben de coñecemento e experimentar tanto no cole como na casa, puxemos á disposición do alumnado unha chea de libros sobre diferentes ramas da ciencia.

Nas aulas realizáronse diferentes experimentos, rexistrando os materiais necesarios, o procedemento ou pasos a seguir e as hipóteses do que cada un pensaba que ía acontecer e por que. Ao rematar, observamos o resultado final e tomamos nota da explicación científica do mesmo.

Cos experimentos realizados puidemos comprobar:

• Ao atravesar con lápices unha bolsa con auga, non se derrama case nin gota, debido á presión e forza que fai a auga en cada lapis.
• As nosas pegadas dactilares, que nos identifican e diferencian do resto dende o nacemento. Non hai unha igual a outra!
• O consumo de osíxeno das candeas, que fai que se apaguen soas cando lle poñemos un recipiente pechado enriba. Parece maxia, máis non o é!
• A diferente densidade dos líquidos, culpable de que a auga e o aceite non se mesturen nunca, ao ser este último moito máis denso.
• Coa pementa que fuxe descubrimos que cando botamos pementa na auga, expándese pola superficie, debido á tensión superficial da auga. Máis cando tocamos a auga con un pouquiño xabón, a pementa escapa. Ésto débese a que o xabón rompe a tensión superficial da auga.
• A refracción da luz na auga, que crea efectos ópticos sorprendentes, como puidemos observar.
• Como elaborar iogur natural coa axuda das bacterias e os fermentos.
• A capacidade de estimación que temos as persoas, algo que se pode e cómpre exercitar, xa que vai ser moi útil no noso día a día.

Premede no video para ver os diferentes experimentos 😉 

Animádevos a facer máis experimentos na casa!

Que a ciencia non pare!

Apertas de bolboreta!

25N: DÍA INTENACIONAL CONTRA A VIOLENCIA DE XÉNERO

Ola!

Co gallo do Día Internacional contra a violencia de xénero, no mes de novembro, o Equipo de Dinamización da Lingua Galega en colaboración co Equipo de Biblioteca, puxo a disposición do alumnado unha selección de libros nunha exposición no corredor do patio.

A continuación podedes ver as distintas actividades que realizaron as diferentes aulas arredor do 25N. 

O alumnado de 3 e 4 anos traballou a partir do conto "Arturo e Clementina", de Adela Turín.

O alumnado de 1º curso realizou a actividade titulada: "O vexas como o vexas, non mires para outro lado".

O alumnado de 2º curso tamén decidiu traballar a través do conto "Arturo e Clemetina".

O alumnado de 3º e 4º xuntouse para ler "O monstro",de Daniel Martín e Ramón Trigo, debater e reflectir as súas conclusións nun traballo que tiña como obxectivo vivenciar "O peso da violencia de xénero".

O alumnado de 5º traballou a partir dunha adaptación do clásico Carapuchiña vermella titulado "Caperucita dice no", no que o alumnado debateu e tomou consciencia do perigo nas redes sociais.

Por último, o alumnado de 6º, realizou diferentes carteis para colocar polos corredores do cole.

Ademais, elaboraron un mural para visibilizar ás futbolistas con máis sona e organizaron un torneo de fútbol feminino que se desenvolveu durante todo o mes na hora do recreo.

E así é como vamos cronstruíndo espazos libres de violencia machista e sendo conscientes de que unha sociedade más xusta, libre e igualitaria depende de todas e todos nós.

Apertas de bolboreta 💜💜💜

MAGOSTO

 Ola!

Como manda a tradición, a principios de novembro celebramos O Magosto no cole.

Fixemos cornetes de papel e fomos recibir a Tin, un castañeiro ao que xa lle temos moito cariño. Sempre ven acompañado da súa cadela, que non pode ser máis agarimosa.

Ademais de encher os nosos cornetes de castañas asadas, contounos que foi buscalas ao Bierzo, un territorio leonés onde se fala galego! Por iso esta comarca tamén é coñecida coma a quinta provincia galega.

As castañas estaban boísimas e comimos ata fartar.

Ata a próxima!

Apertas de bolboreta!

CONTOS NA LAREIRA

Ola!

O día 28 comezamos coa celebración do Samaín no cole, nunha mañá divertida, diferente e algo terrorífica 👻👻👻

En canto chegamos xa notamos que algo estaba a piques de acontecer... Que mediño daba o corredor de entrada pola mañá! Oscuro, con fitas negras colgadas do teito, pantasmas, oubidos...

Ao longo da mañán, a cativada asistiu a unha xornada de contacontos no salón de actos: "Contos na lareira", a cargo dalgunhas mestras-bruxas do cole. Os diferentes ciclos gozaron da escoita de contos e lendas arrepiantes, onde non faltaron os risos e algún que outro susto.

A continuación, cada grupo acudiu á biblioteca para escoitar unha historia de medo en inglés, que lles contou a marabillosa profe Rosell, auxiliar de conversa do centro.

Podedes ver o vídeo recopilatorio dalgún dos momentos vividos durante a mañá.

Para rematar a xornada, o alumnado de 5º de Educación Primaria actuou para todo o cole representando o conto "Corre, corre, cabaciña" cun teatro musicalizado.

Pasámolo xenial!!!

Gracias chicas e chicos!!

Agardamos que gozarades da mañá!

Apertas de bolboreta!