Este ano todo o alumnado do centro participou nun intercambio moi especial. Cada un deles fabricou con moito cariño un pequeno agasallo para calquera persoa que escollera froito do azar.
Aquí vos deixamos o vídeo dun momento que todas e todos vivimos con moita ilusión: a recollida de agasallos 💛
Este xoves tivemos a sorte de contar coa axuda de Sara Collazo, colaboradora de David Ballesteros (Ceo Aberto).
Aprendimos a realizar circuitos eléctricos utilizando materiales moi sinxelos:
- plastelina conductora (recoñécese por ser máis blanda)
- plastelina illante (máis dura que a anterior)
- luces led
- baterías cableadas (como fonte de alimentación)
Comezamos facendo un circuito básico aberto, conectando os leds coas baterias a través da plastelina condutora.
A continuación, argallamos a formar de crear un cortocircuito así como a forma de evitalo: utilizando a plastelina illante, que fai unha barreira de protección que impide o paso da electricidade, protexendo ao montaxe de cortocircuitos eléctricos.
Ademais, experimentamos introducindo nos circuitos diferentes elementos: interruptores, hélices, son...
Por último, e aproveitando o ambiente de nadal, elaboramos un circuito eléctrico paralelo con fita de cobre, unha pila e un led, utilizando unha base de papel! Unha maneira divertida de entender como funcionan as postais de Nadal interactivas.
Pasámolo xenial e aprendimos un mundo de cousas!
Moitísimas grazas, Sara! 😍
O Apalpador é un personaxe da tradición popular galega orixinario das montañas do Courel e dos Ancares. Está ligado ás festas do Nadal e gústalle compartir connosco estes bonitos días. É un pastor grandullón e bo, de mirada doce e longas barbas coloradas que, co seu abrigo cheo de remendos e a grandes zancadas, percorre Galicia enteira.
Durante o ano é carboeiro, vive dos froitos silvestres, caza xabarís, recolecta mel e fai aparecer os xoguetes que as madeiras esconden.
Conta a lenda que en Noiteboa e Noitevella o Apalpador abandona as montañas para baixar ata as aldeas e deixar unha presada de castañas á cativada. As máis das veces tamén deixa algún agasallo para desexar un ano novo cheo de felicidade e comida para encher os bandullos.
Como imaxinades que é o Apalpador?
Vos animades a facer un debuxo del?
Agardamos as vosas creacións!
Para conmemorar o 3 de decembro o alumnado de 2º de Educación primaria preparou un pequeno obradoiro sobre a escritura Braille que tivo lugar na Biblioteca ao longo de toda a semana.
"Na aula, preparamos un abecedario xigante para plasmalo no corredor da Biblioteca, para que o resto dos cursos o puidesen ver. Tamén practicamos a escritura antes de comezar co obradoiro, así como as actividades que iamos presentar. Quedamos con moi boa sensación ao remate!".
Vídeo sobre o 3 de decembro protagonizado polo alumnado de 4º de Educación Primaria na materia de Educación Física.
Canta verdade hai nas vosas palabras! 💙💚🧡💛💜🩵🩷
A conmemoración do 25 de Novembro, Día Internacional contra a Violencia de Xénero, abordouse dende as áreas de Plástica e Lingua Galega.
Estudamos o cadro de Delacroix "A liberdade guiando ao pobo", de onde procede a mascota dos Xogos Olímpicos de París 2024.
A partir dos resultados obtidos fixemos un mural colaborativo onde cada aula reflectiu todas as desigualdades que aínda seguen a existir.
Este foi o resultado:
Mestras e mestres, nenase nenos, persoal do centro... todos aproveitamos e gozamos dos xogos volvendo ás nosas raíces e sen esquecer que todas e todos temos dereito a XOGAR!
Ademais, durante esa semana tivemos a sorte de ter no noso centro unha morea de xogos populares, elaborados polo artesán Cándido Mascato.
Máis para poder ver toda esta experiencia lúdica teredes que agardar á seguinte publicación 😉
Feliz Magosto!
Apertas de bolboreta larpeira! 🦋
Na sesión anterior do Club de Ciencias non fomos quen de conseguir crear o Fluído non newtoniano. Despois de revisar os todo o proceso que seguíramos para realizar o experimento, e de exprimir os miolos para atopar solucións, finalmente, a cativa deu co problema: a fariña de millo!
Precisábamos unha fariña máis fina para acadar a consistencia e densidade axeitada.
Sabedes o que pasou?
O pasado 17 de novembro todo o alumnado do cole foi de excursión á Coruña, aproveitando que as entradas a todos os museos era de balde! Así, tivemos a oportunidade de visitar a Casa das Ciencias e o planetario, a Domus e o Acuario Finisterrae.
Foi un día moi divertido no que partillamos moitas experiencias científicas xunt@s!
Este xoves por fin inauguramos o noso Club de Ciencia!
Ledicia, emoción, expectación... e sobre todo moitas ganas de aprender e experimentar!
Método Científico!!!
Deixamos por aquí o musicograma da canción que imos bailar o xoves para que a practiquedes nas aulas:
Tamén podedes ver o baile completo que grabou o alumnado de 4º de EP, para que vos fagades unha idea de como vai ser a coreografía.
Despois de degustar as castañas e gozar do tempo de lecer no patio, en canto sone o timbre xuntarémonos todos no campo de herba (agás que o tempo non o permita e teñamos que ir ao pabillón).
Unha vez reunidos, faremos tres equipas para bailar:
Apertas de bolboreta bailonga! 🦋
Seguro que xa sabedes unha chea de cousas do Magosto, máis premede no vídeo a ver se desta volta descubrides cousas novas!
E agora, que vos parece xogar un pouco? Seredes quen de completar todas as misións!
De seguro que siii!
Apertas de bolboreta! 🦋
Achégase a celebración do Magosto e disque unha festa sen música non é festa nin é nada, non si?
Pois a mover o corpo, que con este frío boa falta nos fai!
E agora que xa fixemos o quecemento, podedes elexir entre unha chea de actividades elaboradas polas equipas de Dinamización da Lingua Galega de diferentes centros educativos da Coruña. Adiantámosvos que son ben interesantes e divertidas. Botádelle unha ollada!
Grazas unha vez máis pola vosa participación e colaboración, familias! Pasamos unha mañá moi divertida e gorentosa! Parabéns polas vosas merendas terroríficas!
Apertas de polilla defunta! 🦋
Queridas familias e nen@s, non esquezades que podedes levar os exemplares de Samaín para a vosa casa a través do préstamo na Biblioteca.
Entre conto e conto, haberá tempo de coñecer as nosas orixes e aprender xogando, non si?
EDUCACIÓN INFANTIL
EDUCACIÓN PRIMARIA
Gozade oito da xornada!
Apertas de bolboreta zombi! 🦋
A quen lle apetece mover un pouco o esqueleto?
Deixámosvos unha seleción de cancións vencelladas ao Samaín, e xa que estamos, imos quecendo motores para o Magosto, parécevos?
A gozar!
Apertas de polilla zombi!
O pasado mércores o alumnado de Educación Primaria acudiu ao Auditorio do Grove para ver "Valentina", unha película moi fermosa que nos ensinou o importante que é loitar polo que queremos ser na vida e contar co apoio das persoas que nos arrodean, onde queira que estean.
Se queredes ver o trailer da película, dádelle ao play!
Sabiades que...
- Valentina gañou o Premio Goya 2022 á mellor película de animación? Estes premios entréganselle ás mellores películas de España!
- Lucía Serén e Pepa Lockhart son as dúas mozas con Síndrome de Down que lle dan voz a Valentina
- A directora desta película é Chelo Loureiro
- A animación da película é obra do ilustrador David Pintor
Bravo por Valentina e a súa equipa!
"Se as eirugas conseguen converterse en bolboretas, nada é imposible!" O segredo é loitar polo que queremos, confiar nas nosas capacidades,sen perder a ilusión e as ganas de aprender. Naturalmente!!!
Hoxe, máis que nunca, apertas de bolboreta! 🦋
