xoves, 27 de abril de 2023

AÍ VEN O MAIO

Ola!

Chegou a primavera, e con ela, Os Maios.

Se queredes saber un pouquiño máis sobre esta tradición tan fermosa, botádelle unha ollada ao seguinte documento.


Xa sabedes! Ide recoller xestas para as aulas e, aproveitando o paseo, gozace de todas as cores e cheiros que nos ofrece a primavera.

Despedímonos co poema "Aí ven o maio", de Manuel Curros Enríquez, interpretado polo cantante e compositor Luis Emilio Batallán.

Apertas de bolboreta!

mércores, 26 de abril de 2023

FORMACIÓN DE RADIO ESCOLAR

Ola!

Algo estamos a argallar... 

Así foi a formación para mestras e mestres de "Radio Conmneniño, a radio dos grandes e dos pequeniños".

Agora que xa sabemos utilizala, toca poñela en marcha!




Ide pensando nas propostas para facer programas de radio. Vós diredes!

Agardamos as vosas propostas!

Apertas de bolboreta.

martes, 25 de abril de 2023

TEATRO: O PARRULLO FEO

 Ola!

O alumnado de Educación Infantil asistiu a unha obra teatral titulada "O Parrulo Feo".

Canto lles gustou e que ben e pasaron!



Apertas de bolboreta.


luns, 24 de abril de 2023

NOVO RECANTO DE LECTURA

Ola!

Aproveitando a Semana do Libro, inaguramos un novo espazo para imaxinar, partillar lecturas, descansar da algarabía do recreo cun bo libro, ler o xornal... Calquera excusa é boa para facer uso deste recunchiño tan xeitoso.




Felices lecturas!

Apertas de bolboreta!

DÍA DA POESÍA

Ola!

O día 21 de marzo foi o Día da Poesía. Que poemas tan fermosos grabastes! 💛💛💛

Xa sabedes que podedes escoitalos todos na canle de Ivoox de Radio Conmeniño, a radio dos grandes e dos pequeniños ou a través dos seguintes códigos QR.


O alumnado ilustrou todos e cada un dos poemas e repartiunos polos comercios locais  do Grove, co seu correspondente código QR.






Canto nos gustou espallar poesía pola nosa vila!

Bo traballo, cativada!

Apertas de bolboreta para todas e todos os poetas!

sábado, 1 de abril de 2023

DÍA DAS ARTES GALEGAS

Ola!

O día 1 de abril conmemórase o Día das Artes Galegas, cada ano adicado a un persoeiro da historia da arte galega.

Este 2023 a figura homenaxeada é o trobador vigués Martín Códax.

Queres saber máis sobre o Día das Artes Galegas e sobre Martín Códax? Preme na imaxe para realizar as actividades.


Así sonaba Ondas do mar de Vigo, un dos poemas con máis sona de Martín Códax.


E así é como Amaral versionou este poema, convertíndoo en canción.


Con que versión vos quedades?

E agora que xa sabes moítimas cousas sobre Martín Códax, ponte a proba. Dálle a COMEZAR para seguir xogando e aprendendo!



Agardamos que gozaras coas actividades.

Apertas de bolboreta!