PARECE UNHA ROSA

Ola!

Queredes escoitar ás nenas e aos nenos de 3 e 4 anos recitando o poema "Parece unha Rosa", de Rosalía de Castro?

E non so saben recitar! Ollade a manualidade tan fermosa que fixeron. 😍

Moito artista temos no cole, non si?

Apertas de bolboreta.

DÍA DE ROSALÍA

Ola!

O día 23 de febreiro celebramos o Día de Rosalía no cole, unha xornada na que aprendimos unha morea de cousas sobre esta gran muller galega.

Ao día seguinte, tivemos a sorte de asistir a unha sesión de contacontos de "Tarabelos. Títeres e contacontos". Esteban Acuña contoulles aos maiores do cole a historia de "Vidal o sin ventura", un poema incluído na obra de Rosalía "Cantares Gallegos". E os máis cativos, puideron gozar da escoita de Lendas galegas.

Foi marabilloso poder asistir a este espectáculo no que grandes e pequenos, mestras e mestres, divertímonos moitísimo.

Ademáis, Esteban deixounos unha proposta artística surrealista que acompaña á sesión de "Contos nunha roda" para realizar na área de Plástica ou, se vos peta, na vosa casa.

Premede nas ligazóns para acceder aos contidos:

PROPOSTA ARTÍSTICA EDUCACIÓN INFANTIL

PROPOSTA ARTÍSTICA PRIMARIA

Grazas por todo, Esteban!

Apertas de bolboreta!

RUTA ORNITOLÓXICA

O pasado 10 de febreiro, as nenas e os nenos de 3º e 4º de Primaria tiveron a sorte de asistir a unha Ruta ornitolóxica que se desenvolveu na Praia do Fornos, na Illa da Toxa. Alí puideron observar as diferentes aves que habitan a nosa costa a través de prismáticos e telescopios, ao tempo que anotaban nun caderno de campo todas as especies que foron quen de avistar, aproveitando ademais para fotografar todos os marabillosos momentos que nos brindou esta experiencia.

Cormoráns, gaivotóns, espátulas, garcetas, gaivotas choronas... foron algunhas das especies que puidemos observar.

O noso agradecemento a Encarna e a Gustavo, de Seo/Birdlife Pontevedra, por compartir con nós todos os seus coñecementos, pola súa amabilidade e por contaxiarnos o seu entusiasmo e actitude respectuosa coas aves e o medio ambiente.

Agradecer tamén ao Concello do Grove por ofrecernos actividades tan enriquecedoras como esta.

Apertas de bolboreta!

DÍA DE ROSALÍA

Ola!

O 23 de febreiro celebramos o Día de Rosalía de Castro, e que mellor forma de facelo que cantando na súa fala, na nosa fala.

E ti, sabes quen era Rosalía?

Se queres coñecer máis datos interesantes sobre esta gran muller galega, preme nas seguintes ligazóns:

Sinxelo. O Día de Rosalía de Castro

5 cousas que non sabías de Rosalía de Castro

Apertas de bolboreta!

XOGANDO COA NOSA ROSALÍA

Ola rapazada!

Queredes xogar con Rosalía de Castro e aprender unha morea de cousas sobre esta muller tan incrible?

Agardamos que o pasáredes moi ben!
Un mundo de bicos e apertas de bolboreta!

DÍA DA LINGUA MATERNA

Ola,

Sabías que hoxe celebramos o Día da Lingua Materna?

E iso que quere dicir?

Dálle ao play e infórmate.

Paréceche importante conmemorar este día?

Teremos sorte por ter aprendido dúas linguas dende o noso nacemento?

Despois destas reflexións, toca gozar con esta canción de Uxía Lambona e a Banda Molona e festexar a nosa fala.

E xa para rematar, cal é a túa palabra favorita en galego? Podes deixala nos comentarios. Haberá sorpresas....

Anímate a falar galego! O futuro da nosa Lingua está en nós.

Apertas de bolboreta!

RECEITAS: DOCES DE ENTROIDO

Ola!

Os nosos amigos de Bolboretas no bandullo tráennos unha receita para facer unhas gorentosas filloas ou freixós. Preme no vídeo e toma nota dos ingredientes e dos pasos para a súa elaboración na ficha que se achega máis abaixo.

Na túa casa tamén elaborades así as filloas? Facedes outros doces típicos destas datas de Entroido?

Anímate a deixar as túas respostas en comentarios!

Fala coa túa mestra e fainos chegar as túas receitas para publicalas no blog. Agardamos impacientes as vosas achegas.

Feliz entroido e que non pare a festa!

Apertas de bolboreta!

OS MANDADOS DA MECA: VENRES CHOQUEIRO

 

QUENTANDO MOTORES!

Ola!

E ao fin mañán chega o gran día: desfile de choqueiros, degustación de doces típicos de Entroido e moito, moito baile!

Xa sabes a letra de Móvete de Paco Nogueiras que imos bailar todos xuntos?

A coreografía do baile, creada dende a área de Música e Danza polo alumnado de 6º de EP do noso cole, a podes practicar vendo o seguinte vídeo:

Que non pare a música!

Deica mañán!

OS MANDADOS DA MECA: XOVES

 

PASAPALABRA!

 Ola!

Atréveste con este Genially sobre o Entroido?

Pincha na icona vermella e demostra os teus coñecementos!

Apertas de bolboreta!

OS MANDADOS DA MECA: MÉRCORES

 

FAME DE PALABRAS

Ola!

Andar de troula sempre abre a apetito, non si?

Aí vai unha sopa de letras na que debes atopar dez palabras.

Atopáchelas todas?

Sabes o significado de cada unha delas?

De seguro que si 😎

Apertas de bolboreta!

APÚNTATE Á COMPOSTAXE!

Queridos amantes da natureza!

Como gozamos co obradoiro tan divertido que argallou o biólogo do Plan Revitaliza para identificar os pequenos invertebrados que habitan o noso composteiro e aprender a súa función no proceso da compostaxe.

Queredes ver o que fixeron estos expertos científicos?

Que interesante e divertido foi descubrir todo este mundo pequeniño! Agora xa sabemos "Quen vive aí?"

E agora, xa sabedes: o cambio comeza por nós mesmos! Apuntádevos á compostaxe! Unha alternativa necesaria, ecolóxica e cen por cen natural. 😉 

Apertas de bolboreta!

O ENTROIDO XA ESTÁ AQUÍ!

Ola!

Preparada para cantar esta canción con tanto ritmo?

Dálle ao play e a gozar!

Canción con pictogramas. Elaborado polo CEE de Miño (Ourense)

Apertas de bolboreta!

OBRADOIRO DE ARTE RECICLADA

Ola!

O pasado mes de xaneiro o alumnado de 1º a 4º de Educación Primaria realizou un obradoiro de "Arte Reciclada" coa Asociación de Persoas con Discapacidade "AMICOS".

Dita actividade está englobada no noso PDI do centro e cumpre cos obxectivos da Axenda 2030, pero o máis importante é que foi moi enriquecedora para todas e para todos nós!

Mirade que ven o pasamos!

O noso agradecemento para a Asociación Amicos, por ensinarnos a reciclar correctamente e transmitirnos valores tan importantes relacionados co coidado do Medio Ambiente.

Apertas de bolboreta.

OS MANDADOS DA MECA: MARTES

 

XOGAMOS COAS PALABRAS

Ola!

Comezamos a semana xogando coas palabras, palabras que de seguro se han escoitar a miúdo polos corredores do noso cole nestes días entroideiros.

Prestade moita atención!

Seguide atentos ao blog porque haberá máis novidades... Apertas de bolboreta!

OS MANDADOS DA MECA: LUNS

 

OS MANDADOS DA MECA

É TEMPO DE ENTROIDO!

Ola!

O Entroido está a piques de comezar.

Queres aprender algunhas cousiñas máis sobre esta festa que tanto nos gusta?

Premendo na ligazón podes ler unha chea de información sobre a orixe do Entroido, as diferentes festas tradicionais que hai en Galicia, a gastronomía... E moito ollo! porque tamén se fala do Grove! Serás quen de atopar esta información?

Ligazón: Os Bolechas

E agora que tanto sabes, atréveste con este xogo?

Agardamos que gozaras cos nosos amigos os Bolechas e que aprenderas moitas cousas sobre o Entroido.

Que non pare a festa!

Apertas de bolboreta!

DÍA ESCOLAR DA NON VIOLENCIA E A PAZ

Ola!

No noso cole rexeitamos calquera tipo de violencia, apostando sempre pola resolución pacífica de conflitos e buscando calquera oportunidade para facer comunidade.

Este ano, a celebración do Día escolar da non violencia e a paz foi inesquecible para todas e todos nós: divertido, creativo, emocionante, saudable, familiar...

Dende o centro organizouse unha Andaina pola Paz, na que participaron as familias do alumnado. Máis previamente participamos nun obradoiro de estampación de camisetas a cargo de Andrea Menéndez, ilustradora gráfica e creadora de Carracucarte.

Andrea deseñeou un logotipo para o noso cole e explicounos o proceso de estampación de textís. Coa súa axuda levamos a cabo a impresión da parte dianteira das nosas camisetas brancas, xa na aula, cada un de nós decorou a parte traseira con debuxos e mensaxes de paz.

O luns 30 de xaneiro, realizamos a esperada andaina arredor do cole, acompañados polas familias, nun ambiente festivo onde non faltaron as apertas e a axuda mútua. Podedes ver un resumo da mesma no seguinte vídeo.

Ao chegar ao cole, o alumnado de 3º de primaria leu un manifesto poético pola paz, titulado "O mundo que queremos", que elas e eles mesmos compuxeron axudados pola súa titora.

A continuación, realizaron o acompañamento da canción "Paralá", de Mercedes Peón, utilizando pandeiros, pandeiretas e vasos para a percusión, mentres dúas alumnas bailaban.

Parabéns, rapazada! 💕

Para rematar, Cris, a nosa directora, acompañada das titoras de cada aula, fíxonos entrega dun diploma por ter realizada a andaina e unha chocolatina para repoñer enerxías.

Grazas a todas e a todos pola vosa boa disposición e ese sorriso permanente que nos enche de enerxía positiva.

Apertas de boblboreta!💟💟💟